Kjem ideen om heilag krig frå Den heilage Skrifta?

Abstract

Kva er kjernen i tanken om heilag krig? Denne artikkelen tar spesielt opp den hebraiske rotaḥrm I, som ofte blir omsett med «slå med bann», «bannlysa». Gerhard von Rads bok om heilagkrigen frå 1951 lanserte eit skjema for heilagkrigen, derḥrm I-praksis var ein viktig del, og dette fenomenet er eit avgjerande element i heilagkrigen. Torkel Brekke har på den andre sida understreka at ein heilag krig må vera påbydt av ein gud. Somme forskarar har avvist dei valdelege tekstane i GT, medan andre vil modernisera tankeganen inn i ei tid som er utfordra av terrorisme. Artikkelen tar for seg lover, profetiske og forteljande tekstar om heilagkrigen i GT og det gamle Orienten, saman med tekstar som ser for seg ein slutt på krigen. Eit avsluttande utblikk til hermenevtiske synspunkt antydar at kjernen i heilagkrigen ikkje ligg i ideologiane, men ein annan stad.