Sjukepleie til pasientar som har amputert: Korleis kan sjukepleiarar fremje meistring hjå pasientar som opplever fantomsmerter etter amputasjon?

Abstract

Hensikt: Amputasjon av ein ekstremitet er eit livsforvandlande inngrep og fantomsmerter er ein vanleg konsekvens. Denne bacheloroppgåva er eit forsøk på å svare på følgjande problemstilling: ”Korleis kan sjukepleiarar fremje meistring hjå pasientar som opplever fantomsmerter etter amputasjon?” Metode: For å undersøke problemstillinga er det gjort ein litteraturstudie og anvendte forskingsartiklar er funne i databasane Cinahl og PubMed. Resultat: Funna viser at medisinske behandlingsmetodar generelt gir dårleg effekt mot fantomsmerter, medan spegelterapi har vist seg å både lindre smertene og fremje meistring. I tillegg kan personar med fantomsmerter ha nytte av problemfokusert og tilnærma meistringsstrategi. Mange opplever gode relasjonar og sosial støtte som viktig for å handtere den nye situasjonen og smertene. Drøfting: Det er viktig at sjukepleiarar informerer pasienten om meistringsstrategiane samt støttar vedkommande til hensiktsmessige endringar som fremjer meistring. Konklusjon: Sjukepleiarar spelar ei sentral rolle i pasienten sin meistringsprosess gjennom ein god relasjon, informasjon og helsefremjande arbeid.