Korleis kan pårørande oppleve god ivaretaking når kreftpasienten er i terminal fase?

Abstract

Føremålet med denne oppgåva er å rette fokus på korleis ein kan ivareta pårørande til pasientar med kreft i terminal fase. Oppgåva ser på kva det har å bety for den enkelte å få ei god siste tid med sin kjære, og korleis sjukeheimen kan medverke til dette. Dette er ei litteraturstudie som tek utgangspunkt i teoriar om korleis profesjonell kompetanse kan nyttast i møte med menneske som står i ein krevjande livssituasjon. Studiet finn 4 områder som har innverknad på pårørande si oppleving av ivaretaking: - tilstrekkeleg kompetanse i personalet - å kjenne seg velkomen - å få fortløpande informasjon om pasienten sin tilstand - at personalet har mot og evne til å møte pasient og pårørande Oppgåva konkluderer med at desse områda kan styrkast ved at sjukeheimane har system som sikrar fagleg oppdatering og tilførsel av ny kompetanse i personalet. Områda kan også styrkast ved etablering av rutinar og prosedyrar som sikrar lik behandling uavhengig av kven som er på arbeid. Dette stiller krav til leiinga om å leggje til rette både praktisk og organisatorisk. Det stiller også krav til det enkelte helsepersonell om å halde seg fagleg oppdatert og tilpasse seg rutinar som vert etablert